Page 2 - anggota-punguan-tukkup-raja-2023
P. 2
Hata Huhuasi
Horas ma dihita saluhutna !
Poda ni ompunta sijolo-jolo tubu “asa masiamin-aminan songon lampak ni gaol, jala
masitungkol-tungkolan songon suhat dirobean” ido namangarahut hita, jala paingothon
hita pomparanni Tukkup Raja, Boru, Bere, Ibebere na adong di Kota Jambi on, laho
pajongjonghon punguan on, asa marsada hita jala satahi sauduran tu dolok nang tu toruan
diangka namasa na laho siadopanta, angka silasni roha, tarlumobi ma angka arsak ni roha.
Asa sisada tangiang, sisada pangkilalaan hita sude Pomparan ni Tukkup Raja, Boru, Bere,
Ibebere na adong di Kota Jambi on.
Maksud dohot tujuanni Anggaran Dasar (AD) dohot Anggaran Rumah Tangga (ART) on,
ima songon sitioponta sude anggota ni Punguan asa unang adong na sala pangantusion
dihita namardongan tubu, marhula-hula, marboru, marbere, dohot ibebere, Pomparan ni
Tukkup Raja, Boru, Bere, Ibebere na maringanan di Kota Jambi on.
Songon i ma buku on dipatupa marhite dosni roha saluhut anggota ni punguan, sai anggiat
ma makkorhon tu denggan na tu hita saluhut anggota ni punguan. Tuhanta ma na mamasu-
masu.
Horas…Horas…Horas
Jambi, 2023
