Page 10 - anggota-punguan-tukkup-raja-2023

3. Molo adong natua-tua ni ruas/anggota ni Punguan ro tu Jambi on
(marsitopotan/marhuta sada), hape laos jumolo marujung ngolu, Pasahatonni punguan
ma pangurupion godangna Rp.700.000. (Pitu ratus ribu rupiah).
4. Molo adong natua-tua ni anggota monding di bona pasogit, roma punguan maniroi
(mamangkulingi/mangapuli) tubagas ni nasida, jala pasahatonni Punguan ma songon
ganti krans bunga godang na Rp.400.000,- (Opat ratus ribu rupiah).
5. Molo adong anggota ni punguan (natua) marujung ngolu, jala anakkonna pe tong
anggota ni punguan, pasahatonni punguan ma pangurupion songon natarsurat di ayat 1
pasal on, jala pasahatonni Punguan ma muse songon natarsurat di ayat 4 Pasal on tu
anakhon ni namonding i.
6. Pangapulion/maniroi tu anggota namarhabotni roha (monding natua-tua di bona
pasogit) diulahon ma i per Wilayah (Ketua Wilayah ma namangkoordir pelaksanaanna),
jala dipabotohon ma tu Ketua Umum asa ro mandohoti ulaon i.

Pasal 3
Angka na so tarsurat dope di AD/ART on taringot pangantoion ni Punguan asa dibahen
Ketua Umum ma Kebijaksanaan jala ditolopi Penasehat.

BAB IX
PENUTUP

Songoni ma Anggaran Dasar (AD) dohot Anggaran Rumah Tangga (ART) on di tontuhon
marhite dos ni roha (rapot), na ditolopi penasehat, pengurus, dohot anggota, molo tung
adong na hurang singkop dope di AD/ART on sipatureon ma muse diangka ari namagihut
marhite rapot. Antong asa rap ma hita manghalashon dohot mangharingkothon angka
naung ta tontuhon di AD/ART on.

PANIMPULI
Marhite-hite punguan naung tapatupa on, asa lam sada ma rohanta, sapangkilalaan hita
diulaon las ni roha, lumobima di ulaon arsakni roha, jala ingotma hita dipoda ni ompunta
sijolo-jolo tubu ima “Dalihan Na Tolu” : “Manat Mardongan Tubu, Somba Marhula-hula, Elek
Marboru” jala marhite i ma ta ulahon diparsaoranta siganup ari, na ni rahut ni paradaton
ni halak batak, asa anggiat dapot hita ma pasu-pasu sian Debata. Mauliate

Anggaran Dasar/Anggaran Rumah Tangga Punguan Pomparan Tungkup Raja, Boru,
Bere, Ibebere Sekota Jambi dohot Nahumaliang
Revisi 08 Maret 2024
Berlaku mulai Tanggal Revisi

Ketua Umum, Sekretaris,

A.Freddy Lumbanraja/Br.Lumban Gaol A. Aless Damanik/Br. Lumbanraja

Dotolopi Penasehat

O. Lumbanraja/ Op. Evan Lumbanraja/ S.Lumbanraja E.Lumbanraja/
Br.Sitanggang Br.Sitanggang Br.Marbun Br.Sinaga

8